Memoria
Trátase dunha vivenda unifamiliar para unha parella nova que se desenvolve nunha única planta. Unha casa conectada co xardín, mirando cara a el.
Será o espazo testemuña de acontecementos importantes. As paredes mudas, que todo o escoitan pero que nada confesan, proxectáronse e erixido pensando nesa parella nova e nas súas afeccións: os coches, a música e o cinema. Son estes tres, elementos crave na configuración desta vivenda: un garaxe especial, unha pequena sala de cinema e un espazo para un piano de cola que nos recibe nada máis entrar.
Branco, negro e gris son as cores que a visten con sobriedade e elegancia, para ese gran día, e para todos os días do resto da súa vida. Clásicos que esperemos estean á altura das circunstancias do que alí aconteza.
